Во 2025 година, Промо Идеа Струмица активно работеше на иницијативи поврзани со одржлив развој, климатска отпорност и зелено управување на локално ниво.

Во рамките на проектот Green B-LEAF, започнаа активности насочени кон развој на модели за зелено партиципативно буџетирање и зајакнување на капацитетите на локалните власти за интегрирање на климатските приоритети во буџетските процеси. Проектот има за цел да обезбеди практични алатки, методологии и податоци кои ќе овозможат донесување одлуки базирани на локални климатски потреби.

Паралелно, беа развиени и подготвени специјализирани тренинг модули на теми „Управување со зелени проекти“ и „Енергетска ефикасност во бизнисите и домаќинствата“, со цел јакнење на знаењата кај младите и локалните заедници за планирање и спроведување на еколошки одговорни активности.

Овие иницијативи придонесуваат кон пошироки напори за градење климатски отпорни, одржливи и инклузивни заедници, преку локална и транснационална соработка.